Орал қаласының және БҚО жаңалықтары

Оралдағы Ғ.Құрманғалиев атындағы облыстық филармония залында он екі аудандық, қос облыстық газеттің басын біріктіретін «Жайық Пресс» ЖШС Баспасөз қызметкерлерінің күніне орай салтанатты шара ұйымдастырды.

Отандық экономикадағы жаңа сала кеме жасаудың қыр-сырын меңгерген «Орал «Зенит» зауыты» АҚ компаниясы жаңа инвестициялық жобаны қолға алды. Бұл туралы облыс әкімдігінің баспасөз қызметі ұйымдастырған пресс-турда мәлім болды.

Қазақ хандығының 550 жылдығына орай Орал қаласындағы Достық даңғылының бойында қазақ батырының мүсіні ашылды.

Мұның ерекшелігі - ағаш түбірінен ойылып жасалғандығында. Оған әуесқой мүсінші Болатбек Баймағамбетовтің бір айдай уақыты кеткен. Осы жерде қураған ағаштың түбірі тұрғанын байқаған ол көмекшісі Азамат Алагөзовпен бірге жергілікті тұрғындардың қолдауымен қазақ батырының бейнесін сомдап  шыққан.  

Ұлы Жеңістің 70 жылдығы қарсаңында Теректі ауданы Аңқаты ауылында Социалистік Еңбек Ері, Ұлы Отан соғысының ардагері Қабекес Серғалиев тұрған үйге ескерткіш тақта орнатылды.

Батыс Қазақстан облысының барлық ауданында көне қорымдар мен құлпытастарды зерттеу бойынша жұмыс тобы құрылды.