Қанағат-рақым туралы

Қанағат-рақым туралы
Арғымағың жамандап- тұлпар қайдан табарсың,
Тұйғыныңды жамандап - сұңқар қайдан табарсың.
Асан қайғы

Көлдің суын жамандап - Еділ қайдан табарсың,
Әкіміңді жамандап - әділ қайдан табарсың,
Өз барыңды жамандап - асыл қайдан табарсың.
Асан қайғы

Ақ тоныңды жамандап - атлас қайдан табарсың,
Өз басыңды зорайтып - теңдес қайдан табарсың.
Асан қайғы

Барымен базар.
Мақал - мәтел

Қайғысыз қара суға семірер.
Мақал - мәтел

Елің жүрсін есіңде - мал мен баққа есірме,
Мал мен баққа есірсең - кез боларсың кесірге.
Би-шешендер

Өлгеніңше - тою жоқ, түңілмей - ырза болу жоқ.
Шортанбай Қанайұлы

Қолдағыға қанағат-шүкір қылмасаң,
Болады бар да - арманда, жоқ та - арманда.
Сүйінбай Аронұлы

Кілеміңе қарай көсіл.
Құтып

Ішер судың да шамасы бар: артық - зиян.
Құтып

Шам маймен жанады: көп май құйсаң өшіп қалады.
Құтып

Қайран менің өз үйім - кең сарайдай боз үйім.
Жиренше шешен