Томирис

              (таңдамалы)

               Маңғыстау!..

Маңғыстау, неткен шексіз ұлы ұғым ең,

Төсіңнен нәріңді емген бір ұлың ем.

Бесіктен белім кетпей шырылдадым,

Оянып бозторғайдың шырылымен.

Отыққан туған жердің тұнығымен,

Қыр асқан құба белден құлының ем.

Өзіңмен тіні үзілмес жұлының ем!

Маңғыстау – ұраным ең, ұрығым ең,

Жалғасқан асылдардың сынығымен.

Ауылдан алыс кеттім қала кезіп,

Асау мен ардалардың қылығымен!

Ұстанып елдік ерен сезімді алға,

Ұстанып ұлттық рух, төзімді алға,

Шыңдардың шарықтармын шырқауында,

Туған жер, о киелім, Өзің барда!!!