Ассалаумағалейкүм, би Наурызбай,
Жігітке дәулет бітсе көңілі жай.
Кетпейді жүрегімнен өлгенімше,
Шекерсіз бесінде ішкен үш кесе шәй.
Дегенің «қонақ кәде» қайдан шықты,
Шекерсіз бесінде ішкен шәйдан шықты.
Сабада күлпілдеген қымыз тұрып,
Күбіден быршып кеткен айран шықты.
Қартайсаң, түрлі қайғы түседі еске,
Байпаңдап біз ақсақ нар ерген көшке.
Үйіне Науанжанның қонайын деп,
Қонаға шабан көкпен келдім кешке.
Науанжан құлған әстің бәрі бекер,
Қыпшақты Қарабалық қылдың нөкер.
Көрмедім келін иттей көргенсізді,
Салмады дастарханға жалғыз шекер.
Көп беріп көргендінің қызын алсаң,
Үйіңе мейман келсе, қызмет етер.
Аз беріп көргенсіздің қызын алсаң,
Байымен бір жатқанын міндет етер...
- 101 просмотр