Дауыл керек бұрқырар,
Шаңдататын,
Естіген, есі кетіп таңданатын,
Тербетіп тал, теректі шайқалтатын,
Өзен тасып,
Толқыны жарға ататын!..
Жаңбыр керек,
Орман,Тау, Далаға да
Түтін басқан,
Мазасыз қалаға да.
Мұңсыз Сәби,
Кемеңгер Данаға да,
Шал, Кемпір,
Аяғы ауыр-Анаға да!
Жауын керек,
Тап-таза мөлдіреген,
Тамшысын аспан уы бүлдірмеген.
Титтей жұмсақ жанары елжіріген,
Жауын керек,
Біздерге тентіріген!
- 68 просмотров