Облыстық А.П.Гайдар атындағы балалар және жасөспірімдер кітапханасы.
Ғимарат 1830 жылдың аяғында архитектор А.А.Гопиустың жобасы бойынша салынған. Алғашында мұнда әскери канцелярия орналасты, сондықтан да ғимарат орналасқан көше Канцелярия деп аталды (кейін Пролетар). Кейін канцелярияны Орал казактарының әскери шаруашылық басқармасы қылып қайта құрды. Мұнда әскери мұрағат орналасып, шенеуніктер жиналатын болды. 1874 – 1919 жылдары оралдықтар «біздің кішкентай парламент» деп атап кеткен станиция ұйымдарынан сайланған Әскери Съезд депутаттарының екі рет сессиясы өтті. Сондай-ақ, бұл ғимаратта XIX ғасырдың ортасы мен XX ғасырдың басында Оралдың көрнекті зиялы өкілдері жұмыс істеді, соның ішінде: И.И.Железнов, Н.В.Савичев, М.К.Курилин, А.Б.Карпов, Н.Г.Мякушин, Н.А.Бородин және т.б. Совет заманында ғимаратта әскери бөлім, кейін «Оралсуқұрлыс» тресті орналасты. Қазіргі уақытта мұнда А.П.Гайдар атындағы облыстық балалар және жасөспірімдер кітапханасы орналасқан.
- 143 reads
Жаңа пікірді жазу