«Ақжайық» шипажайы ЖШС
Орал қаласынан 45 шақырым қашықтықта Жайық өзені жағалауында ит тұмсығы батпайтын қалың тоғай тұсында орналасқан «Ақжайық» шипажайы 1985 жылдан бері жанға дәру, дертке дауа болып келеді. Жайық өзенінің табиғи жағалаулары әсемдігімен көз тартады: қуатты күн сәулесі мен тұнық судан қуат алып, йодбром буымен байытылған таза ауамен кеуде кере тыныстап, тұмса табиғатқа тамсанасыз! Жан рақатына бөленіп, тек тәніңізді ғана емес, жаныңызды да сауықтырасыз! Сіздерге «Ақжайық» шипажайы айқара құшақ ашады!
Ауруға ем болып, сауға қуат дарытатын шипажайда табиғи минералды су мол қоры бар. Жер асты бұлақтан шығып жатқан хлоридті-магнийлі-натрийлі емдік судың минералдану деңгейі 9-27 г/л. Әсіресе, қандағы қант пен холестерин құрамын азайтуда мың да бір ем.
Емдеу көрсеткіштері:
«Ақжайық» минералды сулары мынадай аурулардан емделгісі келетін адамдарға ұсынылады:
Жүрек қан тамырлары жүйесінің аурулары: жүрек ақауы, митральды комиссуротомиядан кейінгі жағдай, миокард, инфарктан кейінгі кардиосклероз бен жүрекке жасалған оталар, АКШ (аортокоронарлы шунттау);
Тірек-қимыл аппаратының, омыртқаның созылмалы аурулары, эндокринді жүйемен байланысты аурулар (қант диабеті және жемсау ауруы);
Орталық жүйке жүйесі қызметінің бұзылуы: невроздар мен невроз тәріздес аурулар; бронх пен өкпенің созылмалы аурулары; созылмалы пневмония, созылмалы бронхит;
Әйелдердің кейбір жыныс органдары аурулары, жатырдың және оның қосалқыларының, кіші жамбас асты қабынуларынан кейінгі аурулар.
Бальнеотрепия:
Йодбромды ванналар; шарко душы, циркулярлы душ, су асты массаж душы, механикалық массаж, самырсын күбі, гинекологиялық суландыру, ішекті сулау.
Парафин-озокеритті емдеу:
Тірек-қимыл жүйесінің ауруларында: буындардың қабынуында, ревматоидты полиартритте, жұқпалы-аллергиялық полиартритте, жарақаттарда, остеохондрозда қолданылады.
Көрсетілімдер бойынша шипажайдан 20 шақырым қашықтықта орналасқан Әлжан сордан алынған ашқылтым тұзды саз балшықпен (тұзбен байытылған қатты сульфидті, аз сілтілі) емдеу.
Физиотерапиялық бөлімше (12 қондырғы):
Электрофорез, ультрадыбысты терапия, амплипульс, магнитті терапия, дарсонвализация, ЛФК, лазер, электросон, УВЧ, СВЧ, УФО, ингалияция.
Демалыс
Клуб, кітапхана, бильярд, жүзу бассейні бар сауна.
Таза ауа, емі дауа «Ақжайық» шипажайында демалу және емделу үшін барлық жағдайлар жасалған.
Ыңғайлы бөлмелер, жақсы тамақтану және тиімді емдеу Сіздің денсаулығыңызды жақсартуға көмектеседі. Жылдың кез келген уақытында отбасымен, дос-жаранмен көңіл көтеріп, демалыс ұйымдастыруға таптырмас мекен. Сұлу табиғат, шипалы таза ауа, минералды сумен емдеу шаралары – денсаулығыңызды нығайтып, ерекше ләззат алуға мүмкіндік береді!
«Ақжайық» шипажайы Сіздерді ем алуға және демалуға шақырады!
Жаңа пікірді жазу