БҚО-да 700,6 млн. теңгені құрайтын 12 жоба мақұлданды
БҚО әкімінің орынбасары Марат Кәрімовтің төрағалығымен өткен аймақтық үйлестіру кеңесінің кезекті отырысында 700,6 миллион теңгені құрайтын 12 жоба талқыланып, қолдау тапты.
«Бизнестің жол картасы - 2020» және 2012-2020 жылдарға арналған моноқалаларды дамыту мемлекеттік бағдарламалары аясында қаралған жобалар мал шаруашылығы, қоймалау және сақтау, құрылыс, техникалық қызмет көрсету, көлік қызметі салаларын қамтиды.
Үйлестіру кеңесі «VENDOR» жеке кәсіпкерлігінің жүк тасымалын ұйымдастыру үшін автокөлік сатып алу жобасын іске асыруға алынған несиенің пайыздық мөлшерлемесін субсидиялау және «Бизнестің жол картасы - 2020» бағдарламасының бірінші бағыты бойынша ішінара кепілдендіру мәселесіне оң шешім шығарды. «Ақсай-Проминвест» ЖШС-ның «Бес қабатты тұрғын үй құрылысына - инвестициялар» жобасы моноқалаларды дамыту бағдарламасы аясында, «Сайқынстройсервис» ЖШС-ның Орал-Саратов күре жолы бойында автотұрақ салу жобасы «Бизнестің жол картасы - 2020» бағдарламасына сәйкес мақұлданды. Сондай-ақ «Орал Жан-ойл» ЖШС-ның «Желаев өнеркәсіптік аумағында жанар-жағармай қоймасын салу және оған құрал-жабдық сатып алу», «АрАи» ЖШС-ның құрал-жабдық сатып алу жобаларын субсидиялау құпталды. «Жапақов А.Р.» ЖК-ның автокөлік сатып алу, «Махитов» ЖК-ның автосервис орталығына құрал-жабдық алу жобалары «Бизнестің жол картасы - 2020» бағдарламасы бойынша субсидияланып, 1-бағыт бойынша ішінара кепілдендірілетін болды.
Аймақтық үйлестіру кеңесінің отырысында сырымдық «Белхайырова Г.А.» жеке кәсіпкерлігінің Алғабас ауылы маңындағы автокешен нысанын газбен, электрмен қамту және кешенге кірме жол салу жөніндегі үш бірдей жобасы мемлекет есебінен қажыландырылатын болып шешілді. Ақжайық ауданындағы «Әсем», «Мақсат», «Сәрсенғалиев», «Нұғыман», «Ата жолы» шаруа қожалықтарының қыстақтарын электрмен қамту, яғни «Бизнестің жол картасы - 2020» бағдарламасының 1-бағыты бойынша өндірістік инфрақұрылымды дамыту бойынша жүргізілетін құрылыс жұмыстарын мемлекет есебінен қаржыландыру мәселесі өз шешімін тапты.
- 63 reads
- Русский
Жаңа пікірді жазу