Спорт, дәлірек айтсақ, Бразилиядағы Олимпиада мен шоу-бизнестің қиылысқан жері осы шығар. Күні кеше ғана Рио-де-Жанейрода садақ атудан күміс медаль таққан американдық спортшы Брейди Эллисон бүкіл әлемге мүлде басқа қырынан танымал болып шыға келді. Сөйтсе, садақшы анау-мынау емес, Голливуд жұлдызы Леонардо Ди Каприодан аумайтын болып шықты. Әсіресе, спортшы мен «Оскар» иегерін олар бас киімді басып киген кезде ажырата алмай қалуыңыз мүмкін.