Өрттей алма ұсынып ем, алмадың,
тұрып қалдым жаншылғандай арманым:
- Алма - сезім, ал Сіз мені сүймейсіз...-
Естімедім ар жағын
Қызыл алма жүректегі қан сынды
өз қолыммен қара жерге жаншылды -
күтпеп едің бұлай аяқталуын,
сені алмадан ұшқан шырын тамшы ұрды.
Келем зулап сұр жебенің ұшындай,
жымиды да, сүт-сәулесін ұсынды Ай...
Қуып жетіп, кес-кестедің алдымнан,
шыға келген көрші әйелден қысылмай,
сен - құсбегі, мен үкілі құсыңдай,
қойдың сосын ұшырмай.
1982
- 90 просмотров