Аударыспақтан Азия чемпионаты аяқталды

Кеше елімізде алғаш рет аударыспақтан Азия чемпионаты өтті.

Байрақты бәсекеде жерлесіміз Біржан Қосалиев бас жүлдені иеленді. Оған жеңімпаздың «Алтын белбеуі» тағылып, су жаңа темір тұлпар сыйға тартылды. Жалпы додаға 11 мемлекеттің құрыш білекті, тақымы тастай 33 спортшысы қатысты. Жарыс 3 салмақ дәрежесі бойынша өтті. 70 және 90 келіге дейін, сондай-ақ, 90 келіден жоғары спортшылар бақ сынасты. Аударыспақ шеңберінің аумағы 30 метр, ал белдесу уақыты 5 минут. Енді дәл осындай чемпионат 2 жылдан кейін Қытайда өтеді.