Ынтымақ-бірлік, татулық туралы

Ынтымақ-бірлік, татулық туралы
Татулықтан артық жолдас жоқ.

Абай Құнанбаев

Күшті ұлт болу үшін - алдымен ішкі бірлік, ұйымшылдық пен татулық қажет.

Нұрсұлтан Назарбаев

Табысты дамуға қажетті шарт - бейбітшілік, тату көршілік және өзара сенім ахуалын орнықтыру.

Нұрсұлтан Назарбаев

Ең асыл қазына - бірлік.

Нұрсұлтан Назарбаев

Жаулықтың ең үлкені, ең қиыны - ынтымақ үшін ымыраға бара алмау.

Нұрсұлтан Назарбаев

Евразия идеясы - мен үшін, ең алдымен, ынтымақтастық идеясы.

Нұрсұлтан Назарбаев

Қыл өтпестей татулықты бір ашуға сатпас болар.

Мұхтар Әуезов

- Батыр, бұрылып сәлем бергің келмейді - тасып жүрсің-ау?

- Хан, тасып жүргенім жоқ, қазақ баласының басын қоса алмай сасып жүрмін.

Сырым Датұлы

Бөлінгенді бөрі алар.

Сырым Датұлы

Бостандыққа апаратын жалғыз жол - ұлттық ынтымақ қана.

Әлихан Бөкейханов

Бірліктен айырылған ел қаңғып қалады.

Әлихан Бөкейханов

Ел берекесі кетуінің түпкі себебі - қазақта бірліктің жоқтығы.

Әлихан Бөкейханов

Қазақ баласы бірігіп, тізе қосып іс қылса - халықтық мақсат сонда орындалады.

Әлихан Бөкейханов

Есеніңде-тіріңде бір болыңыз бәріңіз.

Асан қайғы

Еділ бол да, Жайық бол - ешкімменен ұрыспа,

Жолдасыңа жау тисе - жаныңды аяп тұрыспа.

Асан қайғы

Бір үйде өскен балалар бірлік қылса азар ма?!

Дулат Бабатайұлы

Есеніңде-тіріңде бір болыңыз бәріңіз.

Асан қайғы

Атадан алтау тудым деп - асқынып жауап айтпаңыз,

Атамның малы көп-ті деп - атты басқа тартпаңыз.

Асан қайғы

Табалдырықтан биік тау жоқ, жаман ағайыннан асқан жау жоқ.

Сырым Датұлы

Бостандыққа апаратын жалғыз жол - ұлттық ынтымақ қана.

Әлихан Бөкейханов

Жалпақ жұрттың көкірегінде жақсылық болмаса - жұрт жұрт болып тіршілік құра алмақ емес.

Әлихан Бөкейханов

Қазақ-ау! Түзуің бірігіп жұрт үшін қам ойлайтын кез келген жоқ па?!

Әлихан Бөкейханов

Өзіне-өзі қасқырша шауып отырған жұртта оқу-өнер болмайды.

Әлихан Бөкейханов

Аз адам атқа міндім деп, қасқыр болып жұртқа шапса - мұндай жұртта береке қайдан болсын?!

Әлихан Бөкейханов

Қазақ жұртының шырақ алып, түзу жолға бастар жігіттері қайда?!

Әлихан Бөкейханов

Хан баласында қазақтың хақысы бар: қалайда қазақтың бір қызметіне жарамай қоймаймын!

Әлихан Бөкейханов

Әкім халықтың көбіне сүйенсе күшті болады.

Әлихан Бөкейханов

Ел берекесі кетуінің түпкі себебі - қазақта бірліктің жоқтығы.

Әлихан Бөкейханов

Тіршіліктегі жүйріктік - ақылда, ұсталық пен жанкештілікте.

Әлихан Бөкейханов

Қазақ баласы бірігіп, тізе қосып іс қылса - халықтық мақсат сонда орындалады.

Әлихан Бөкейханов

Кім шебер болса, жалықпай-талмай ізденсе, бірігіп-тізе қосып әдіс қылса - ғұмыр бәйгесі соныкі.

Әлихан Бөкейханов

Бөтен кісі қазаққа еш қайдан ештеңе жақсылық әкеп бермейді.

Әлихан Бөкейханов

Бұл жұрт жұмысын жұрт болып іздемес пе еді?!

Әлихан Бөкейханов

Әр нәрсенің амалын біліп, өз орнына жұмсағанда ғана іс көркейеді.

Әлихан Бөкейханов

Қазаққа әкеп мұжық қамытын кигізе салса - бұл бір түске кірмеген қиыншылық: бұдан қазақ безу керек.

Әлихан Бөкейханов

Адамзат екі аяқты, сөйлейтін сөзді, ұятты болып өзге хайуаннан айырылады.

Әлихан Бөкейханов

Бізде бірлік болып, іс қыла білетін шебер табылса, Алаштың баласы бақыт-махаббат жолына түсті!

Әлихан Бөкейханов

Қыл өтпестей татулықты бір ашуға сатпас болар.

Мұхтар Әуезов

Көршілестерім - рухани еншілестерім.

Мұзафар Әлімбаев

Табаны - бар да, бүрі - жоқ,

Зіркілі - бар да, зілі - жоқ.

Мұзафар Әлімбаев

Ырыс алды - ынтымақ.

Мақал - мәтел

Күннің көзі - ортақ, жақсының сөзі - артық.

Мақал - мәтел

Көппен көрген - ұлы той.

Мақал - мәтел

Өсер елдің баласы бірін-бірі батыр дер.

Мақал - мәтел

Алтау ала болса - ауыздағы кетеді, төртеу түгел болса - төбедегі келеді.

Мақал - мәтел

Жаны ашымастың қасында басың ауырмасын.

Мақал - мәтел

Жалғыз жүріп жол тапқанша, көппен бірге адас.

Мақал - мәтел

Ат сатсаң- ауылыңмен.

Мақал - мәтел

Жауға барсаң - бәрің бар, дауға барсаң - бірің бар.

Мақал - мәтел

Кемедегінің жаны бір.

Мақал - мәтел

Туысы бірдің - уысы бір.

Мақал - мәтел

Үш ағайынды жігіттің - отарында малы бар, екі ағайынды жігітің-қотанында талы бар, жалғыз-жарым жігіттің - шығар-шықпас жаны бар.

Мақал - мәтел

Ізеттінің інісі көп.

Мақал - мәтел

ЬІнтымақ қайда болса - ырыс сонда барамын депті.

Мақал - мәтел

Ай - ортақ, күн - ортақ, жақсының аты - ортақ.

Мақал - мәтел

Ауыл болсаң - қауым бол: бірің - оған, бірің - бұған бол.

Мақал - мәтел

Бір кісі таққа отырса - қырық кісі атқа қонар.

Мақал - мәтел

Дегенде дүние шіркін өтер-кетер,

Түбіне сұм дүниенің кімдер жетер.

Қадір тұт, бір-біріңе құрмет көрсет,

Тірлікте сыйластыққа барма жетер.

Қара өлең

Жағаңа дұшпан қолы тимеске - артыңда туысқанның көбі игі.

Шалгиіз Тіленшеұлы

Жалғанда ойлап тұрсаң бірлік керек,

Бірлікті ойлау үшін тірлік керек.

Төле би Әлібекұлы

Бейбіт елде - сән бөлек, бүлінген елде - дау бөлек.

Төле би Әлібекұлы

Тауларды аласартпай-даланы биіктетейік.

Олжас Сүлейменов

Бірлік жоқ ала ауыз біз халықпыз ғой,

Қатардан сол себепті қалыппыз ғой.

Міржақып Дулатов

Алтау ала болса - ауыздағы кетеді,

Төртеу түгел болса - төбедегі келеді.

Майқы би

Бірлік түбі - береке.

Майқы би

Би екеу болса - дау төртеу болады.

Майқы би

Алақанмен күннің көзін жаба алмайсың.

Құтып

Ел болып бірігуден асқан бақыт жоқ.

Білге қаған

Тату елге - тыныштық пен тоқшылық нәсіп.

Күлтегін

Бегі мен халқының ынтымағы жоқ жерде, дұшпанының алдауына сенген, арбауына көнген жерде, інісі мен ағасы дауласқан, бегі менен қарашасы жауласқан жерде ел елдігінен айырылады.

Күлтегін

Халқын жұтатпаған қаған бақытты.

Күлтегін

Тату болса - ағайын жақын,

Адал болса - дос жақын.

Қазыбек Келдібекұлы

Бірлігі кеткен ел жаман, егесіп өткен ер жаман.

Қазыбек Келдібекұлы

Төрімізден құт-береке қашпасын деп,

Жеріміздің шетін жау баспасын деп,

Туырлыққа - ту іліп,

Қыннан қылыш суырып,

Көк найзаның ұшына күдері үкі таққан елміз!

Қазыбек Келдібекұлы