Жаксы мен жаман туралы

Жақсы мен жаман туралы

Жалқаулық пен жалғыздық - жалғанның жаман тарлығы, Түшіренген ұйқы жоқ - қайғының асқан жарлығы.
Шортанбай Қанайұлы

Жаманға оқ өтсе де - сөз өтпейді.
Ғабит Мүсірепов

Жаманмен салысып жақсы болмайсың.
Абай Құнанбаев

Жақсылық - ұзақ тұрмайды,
Жамандық - әркез тозбайды.
Абай Құнанбаев

Жақсы - жаны еріп тыңдайды.
Абай Құнанбаев

Жақсының - жолы ашық.
Абай Құнанбаев

Жақсылық- ұмыт,жаңылыс- кек.
Абай Құнанбаев

Жақсылыққа жақсылық - әр кісінің ісі, жамандыққа жақсылық - ер кісінің ісі.
Мұхтар Әуезов

Жақсыда жаттық жоқ.
Мұхтар Әуезов

Жаманнан туған жақсы бар - атасын айтса нанғысыз, жақсыдан туған жаман бар - бір асым етке алғысыз.
Махамбет Өтемісұлы

Жаманменен дос болсаң - сыртыңнан жүрер өсектеп.
Махамбет Өтемісұлы

Жақсыдан болат ұл туса - жауырынынан өтін алса да, жамандарға жалынбас.
Махамбет Өтемісұлы

Кей жаманның мінезі: күн жауғанда - қойныңда, күн ашықта - мойныңда. Абай Құнанбаев

Дүние жеткізбейді ойласаң да,
Жақсы артық әзілдесіп ойнасаң да.
Ақан сері Қорамсаұлы

Ауыл малы бұралқы - ақылы жоқ жаманға.
Қайын болмас - қабанда, тойым болмас - жаманда.
Шортанбай Қанайұлы

Жолдас болсаң жақсымен - жолың жетер Қырымға,
Топқа кірсең әркіммен - таласарсың орынға.
Шортанбай Қанайұлы

Ісің түссе жаманға - қолы кетпес жағаңнан.
Шортанбай Қанайұлы

Жақсыны жаман көре алмас.
Шортанбай Қанайұлы

Асыл сойдың баласы - тартысқан жерде сөз табар, азып туған жаманды - түйе үстінде ит қабар.
Шернияз Жарылғасұлы

Жақсылардың ақылы - гәуһар шырақ шаммен тең,
Жақсының керген жарығы - анық атқан таңмен тең.
Дулат Бабатайұлы

Кей жаманның тілі бар - ащылығы умен тең,
Айтқан сөзі ақымақтың - адам ішпес сумен тең.
Дулат Бабатайұлы

Жамандар сөйлей білмейді, жөніне тыныш жүрмейді.
Дулат Бабатайұлы

Екі жаман кез болса - құтырған иттей таласар.
Дулат Бабатайұлы

Көп жаманның ішінде бір жақсысы болмаса - серкесі жоқ қоймен тең, жақсы ішінде бір жаман - өлі жүнді таймен тең.
Дулат Бабатайұлы

Жақсыдан ақылың - қызыл алтын бұл болар,
Ұяты жоқ адамға - өтірік сөзің шын болар.
Дулат Бабатайұлы

Орнын білмес жаманға - есік те болса төрмен тең,
Жақсының жары сұм болса - қазып қойған көрмен тең.
Дулат Бабатайұлы

Жақсысы кеткен ауылға мейман келіп қона алмас.
Дулат Бабатайұлы

Кей жақсының мінезі - Еділ менен Жайықтай,
Жақсылар топта сөйлейді - дарияда жүзген қайықтай.
Дулат Бабатайұлы

Жақсының жолы - жарық күн.
Майлықожа Сұлтанқожаұлы

Өңкей жақсы қосылса - бітіреді кеңесті,
Өңкей жаман қосылса - шығарады егесті,
Мәмілемен іс бітер - бас қосып қалса көп есті.
Майлықожа Сұлтанқожаұлы

Халық ісі дегенде жақсы қалмас тартынып.
Майлықожа Сұлтанқожаұлы

Жаман - мінін жасырып сөйлесе, жақсы - қызметін асырып сөйлейді.
Майлықожа Сұлтанқожаұлы

Елге келген жұмысқа жақсы жүрер қайысып, жаман жүрер майысып.
Майлықожа Сұлтанқожаұлы

Сыртқа біткен қайыңнан - сазға біткен тал жақсы,
Тоя жеген жасықтан - бір асаған май жақсы.
Майлықожа Сұлтанқожаұлы

Қожа мен молдаға - «бер» дегеннен, «жоқ» жақсы,
Адамдықты ойласақ - мал мен бақтан ар жақсы.
Майлықожа Сұлтанқожаұлы

Әдебі жоқ жігіттен - насихат айтар шал жақсы.
Майлықожа Сұлтанқожаұлы

Жаман жігіт жер боп тұрып,
Сөйлеуін қоймас шалықтап.
Майлықожа Сұлтанқожаұлы

«Жамандықты - ұмыт, жақсылыққа - ұмтыл» деген мәтел бар.
Әлихан Бөкейханов

Жақсылыққа жақсылық - әр кісінің ісі, жамандыққа жақсылық -ер кісінін ісі.
Мұхтар Әуезов

Жақсыда жаттық жоқ.
Мұхтар Әуезов

Пейілі жаманды - құдай табады.
Шерхан Мұртаза

Жаман туыстан қашып, жақсысын қайдан табарсың?!
Мақал - мәтел

Жақсыда жаттық болмайды.
Мақал - мәтел

Жақсының жақсылығын айт - нұры тассын, жаманның жамандығын айт - құты қашсын.
Мақал - мәтел

Жақсының аты өлмейді.
Мақал - мәтел

Жақсы әке - жаман балаға қырық жыл азық.
Мақал - мәтел

Үйдің жақсы болмағы - ағашынан, жігіттің жақсы болмағы нағашыдан.
Мақал - мәтел

Жақсы ит өлімтігін көрсетпейді.
Мақал - мәтел

Жаманға - жан тәтті.
Мақал - мәтел

Біткен істің басына, жақсы келер қасына.
Мақал - мәтел

Пейілі жаман кісіні түйе үстінде ит қабар.
Мақал - мәтел

Жақсы да жаттық болмас.
Мақал - мәтел

Жақсымен - жанастыр, жаманнан - адастыр.
Мақал - мәтел

Жаман айтпай жақсы жоқ.
Мақал - мәтел

Дәніккеннен құныққан жаман.
Мақал - мәтел

Жамандық аяқ астында.
Мақал - мәтел

Келіні жақсы үйдің керегесі алтын.
Мақал - мәтел

Жаман ерден - жайдағым жақсы, жаман әйелден - бойдағым жақсы.
Мақал - мәтел

Сыйласуға жат жақсы, жыласуға хат жақсы.
Мақал - мәтел

Арық деген жаман тай - жазға шыға ат болар, жамаңдығын сезілсе - жақын кісі жат болар.
Мақал - мәтел

Олақтан - салақ жаман.
Мақал - мәтел

Жаман - шайқап сөйлер, жақсы - байқап сөйлер.
Мақал - мәтел

Ақ сауыттың - жағасы бар, жеңі жоқ, шын жақсының - ашуы бар, кегі жоқ.
Мақал - мәтел

Жақсының жаны - жәннат.
Мақал - мәтел

Жаман малды асырасаң - аузы-мұрныңды май етер, жаман адамды асырасан - аузы-мұрныңды қан етер.
Мақал - мәтел

Аяғы жаман - төр былғайды, аузы жаман - ел былғайды.
Мақал - мәтел

Өзі жақсы кісіге - бір кісілік орын бар.
Мақал - мәтел

Жақсылыққа жақсылық - әр кісінің ісі, жамандыққа жақсылық- ер кісінің ісі.
Мақал - мәтел

Жақсыдан жаман туар - бір аяқ асқа алғысыз, жаманнан жақсы туар - адам айтса нанғысыз.
Мақал - мәтел

Жақсы ердің ішінде - алтын ерлі ат жатады, жақсы әйелдің ішінде - алтын бесікті ұл жатады.
Мақал - мәтел

Жаман деген атпен жасағанша - жақсы деген атпен жаныңды қи.
Мақал - мәтел

Келінің жаман болса - ұлыңнан көр, күйеуі жаман болса - қызыңнан көр.
Мақал - мәтел

Жаман құдаңды өкпелетсең - жақсы құдаңның көңілі қалады.
Мақал - мәтел

Жаманда - тек жоқ, жақсыда - кек жоқ.
Мақал - мәтел

Жаманның - жаны қадірлі, жақсының - ары қадірлі.
Мақал - мәтел

Жаман атқа жал бітсе - жанына торсық байлатпас, жаман адамға мал бітсе - жанына қоңсы қондырмас.
Мақал - мәтел

Қошқар болар қозының - мандай жағы дән келер, жақсы болар жігіттің - етең-жеңі кең келер.
Мақал - мәтел

Жаман сыйлағанды білмейді.
Мақал - мәтел

Жамандардың жақсысы болғанша - жақсылардың жаманы бол, қарамықтың дәмі болғанша - бидайықтың сабаны бол.
Мақал - мәтел

Шын жақсы - барған жанды хош алады,
Жамандар - болмашы үшін өш алады.
Дос көріп кей жаманды жақын тұтсаң,
Жанынды кеудеңдегі қоса алады.
Қара өлең

Кісі емес - кісі артынан жамандаған,
Дос емес - дос көңілін таба алмаған.
Қолына кей жаманның түссе тұлпар,
Айызын бір қандырып шаба алмаған.
Қара өлең

Жаманнан жақсы шықпас - мақтағанмен,
Жабыдан тұлпар шықпас - баптағанмен.
Ителгі қайырсаң да түлкі алмайды,
Алтынмен томағасын қаптағанмен.
Қара өлең

Жақсының ісі оңалар әу басынан,
Жаманның арылмаған дау басынан.
Күңкілдеп қашан көрсең жүрер жаман,
Жаңылған саудагердей саудасынан.
Қара өлең

Әркімнің шылауында жүрер жаман.
Қара өлең

Көйлектің кесте тіктім әдібіне,
Адамның жолықтырма бәдігіне.
Жақсыға жан қисаң да арман бар ма,
Жамандар қайдан жетсін қадіріңе.
Қара өлең

Жеріген үйірінен тұлпар оңбас,
Саңғыған тұғырына сұңқар қонбас.
Жақсы да, жақсылық та жалпыға ортақ,
Шен үшін елін сатқан сұлтан оңбас.
Қара өлең

Жаманға ұйқы - жолдас, тамыр - тамақ,
Болмайды көңілінде басқа талап.
Күн кешірмек болады өз ойынша,
Әйтеуір қызыл тілмен алдап-арбап.
Шәді Жәңгірұлы

Жаманның мыңы тұрмайды қара пұлға,
Жақсының бірі болады елге тұлға.
Әбубәкір Кердері Шоқанұлы
Жақсылардың бас қосқаны - жайлау болар,
Жамандардың бас қосқаны - сайлау болар.
Би-шешендер

Жақсыменен сөйлессең-құмарыңды қандырар,
Жаманменен сөйлессең - көңілінді қалдырар.
Би-шешендер

Жақсыға - жаман кесір,
Ішінен жақсысы кеткен ел - жесір.
Өзіңе жамаңдық қылған пендені,
Кісілік қыл да сен кешір.
Би-шешендер

Жақсы кісі: ақылымен тәуір болады, мінезі - қорғасыңдай ауыр болады, құлағы - өсек естіместей сауыр болады, кедейдің жалғыз керіндей - құйрығы шолақ, арқасы жауыр болады.
Би-шешендер

Жаманның басына іс түссе - ойлай көреді,
Жақсының басына іс түссе - тойдай береді.
Би-шешендер

Нақ жақсының белгісі - әрі мырза, әрі құл,
Нақ жаманның белгісі - өз үйінде өзі пұл.
Би-шешендер

Атың шабан болса - жалғанның азабы,
Алғаның жаман болса - дүниенің тозағы,
Балаң жаман болса - көрінгеннің мазағы.
Би-шешендер

Жаманға - жақыным деп қайырылмағайсың,
Алаштың жақсысынан - айырылмағайсың.
Би-шешендер

Қарауылдың жаманы - алдырған соң өкінер,
Балуанның жаманы - шалдырған соң өкінер.
Би-шешендер

Жақсы болса туғаның - күнде қызық-базарың,
Жаман болса туғаның - күнде өлім-ажалың.
Би-шешендер

Ақ сұңқар көлден қу ілер -
Қанатын суға тигізбес.
Хас жақсының белгісі -
Қайғысын жатқа білгізбес.
Би-шешендер

Арамменен жолдас болсаң - көңіліңді қаралар,
Жаманменен жолдас болсаң - жүрегіңді жаралар.
Би-шешендер

Ауыл малы бұралқы - ақылы жоқ жаманға.
Қайын болмас - қабанда, тойым болмас - жаманда.
Шортанбай Қанайұлы

Жолдас болсаң жақсымен - жолың жетер Қырымға,
Топқа кірсең әркіммен - таласарсың орынға.
Шортанбай Қанайұлы

Ісің түссе жаманға - қолы кетпес жағаңнан.
Шортанбай Қанайұлы

Жақсыны жаман көре алмас.
Шортанбай Қанайұлы

Асыл сойдың баласы - тартысқан жерде сөз табар, азып туған жаманды - түйе үстінде ит қабар.
Шернияз Жарылғасұлы

Жаманнан туған жақсы бар - адам айтса нанғысыз,
Жақсыдан туған жаман бар - бір аяқ асқа алғысыз.
Шалгиіз Тіленшеұлы

Жақсының жақсылығы сол болар - жаманменен қосылып сөйлемекке ар етер, жаманның жамандығы сол болар - сөйлесе бетін қара етер.
Шалгиіз Тіленшеұлы

Жақсы да келер бұл көпке, жаман да келер бұл көпке.
Шалгиіз Тіленшеұлы

Ағайынның ішінде бір жақсысы бар болса - қаумалаған көп жаман сол жақсыны көре алмас.
Шалгиіз Тіленшеұлы

Жаманға сырыңды қосып сөз айтпа.
Жаманның жалаңдағантілі жау.
Шалгиіз Тіленшеұлы

Бір жақсымен дос болсаң - азбас-тозбас мүлкі етер,
Бір жаманмен дос болсаң - бар ғаламға күлкі етер.
Шалгиіз Тіленшеұлы

Жаман туған бар болса, жақсы жолдас зар болса - жазаны сонда көрерсің.
Шалгиіз Тіленшеұлы

Түлкідей құйрық тастаған жаман тағылық жетер басыңа-ай.
Шалгиіз Тіленшеұлы

Жақсыны - алыс, жаманды - жақын көрме.
Шал Құлекеұлы

Жақсыдан сыр жасырма.
Шал Құлекеұлы

Жаманның бір белгісі - жиын-тойға барғанда тамағына өкпе етер.
Шал Құлекеұлы

Жаман өзін зорға балар.
Шал Құлекеұлы

Жақсының жүрген жері - той.
Шал Құлекеұлы

Жаманға дәулет бітсе - әуе айналар,
Жақсыға дәулет бітсе - бақ айналар.
Шал Құлекеұлы

Үйіңдегі ұлың жаман болса - есіктегі құлмен тең,
Қойныңдағы қатының жаман болса - қаңтардағы мұзбен тең.
Үмбетей Тілеуұлы

Жаманды қанша мақтасаң да - жайды білер ер болмас.
Төле би Әлібекұлы

Әйелің жақсы болса - мейманыңның тұрағы,
Балаң жақсы болса - жан-тәніңнің шырағы.
Төле би Әлібекұлы

Адамдарды қаны ғана емес, жақсы істері туыстырады.
Тоқсары
Жаманның көкірегі-көр, көзі-соқыр.
Сүйінбай Аронұлы

Дүниеде қандай жақсы болсаң да - тіленсең қадірің кетер.
Сүйінбай Аронұлы

Жаман жігіт белгісі - алғаны мен бергенін сырттан жүріп санайды.
Сүйінбай Аронұлы

Ер жігіт - ел-жұртының панасындай,
Жақсы әйел әммә жұрттың анасындай.
Жақсыға ешкімнің де жаттығы жоқ,
Көреді бәрін де өз баласындай.
Жақсы жігіт сөзіне сақ тұрады.
Сүйінбай Аронұлы

Жақсының сөзін әркім пайдаланар,
Миуалы алма-өріктің ағашындай.
Сүйінбай Аронұлы

Әркім құмар жақсымен таласуға.
Сүйінбай Аронұлы

Жамандық қылғанға - жақсылықпен жауап бер.
Сайф Сарайи

Артында жақсы аты қалған адам өлмейді.
Сайф Сарайи

Жақсы адамның сүйегі қурағанмен - аты қалар.
Махмұд Қашқари

Тоқты менен ешкінің - қаны бірдей,
Жақсы менен жаманның - жаны бірдей.
Жанақ Сағындықұлы

Көк езу - жаман пиғыл, нәмәрт кісі, адамның қадірлісі - жомарт кісі.
Жүсіп Баласағұн

Жамандық - алтын басыңды аяққа сүйрейді.
Жүсіп Баласағұн

Аз жақсылық жасағанға да - көп рахмет айту парыз.
Жүсіп Баласағұн

Жақсы мінез адамға азық та, киім де тауып береді.
Жүсіп Баласағұн

Жамандық жасасаң - жауабы өкініш болар.
Жүсіп Баласағұн

Жақсы іс көп жасайды.
Жүсіп Баласағұн

Жақсыдан - шарапат.
Жүсіп Баласағұн

Жаман мінез жау қылмағанды қылар.
Жүсіп Баласағұн

Жақсының - тілегі таусылмайды, жаманның - мұңы бітпейді.
Жүсіп Баласағұн

Жаманға жуыспа.
Жүсіп Баласағұн

Жақсы - жақсы тілек тілейді, жаман - күнде қарғап-сілейді.
Жүсіп Баласағұн

Жазасын тартпайтын жамандық жоқ.
Жүсіп Баласағұн

Жақсылардың ісін өсекшілер бұзады.
Жүсіп Баласағұн

Балаң жаман болса - көрінгеннің мазағы,
Атың жаман болса - шыбын жанның азабы.
Қазыбек Келдібекұлы

Атадан жақсы ұл туса - елінің зоры болады,
Атадан жаман ұл туса - адам біткеннің қоры болады.
Қазыбек Келдібекұлы

Үй сыртында төбең болса - ерттеулі тұрған атпен тең,
Көп жасаған қартың болса - жазып кеткен хатпен тең.
Қазыбек Келдібекұлы

Жаман тәліп зікіршіл боп төс қағар,
Көздерінен жас тамбас.
Қожа Ахмет Йассауи

Жамандық ойлама.
Қожа Ахмет Йассауи

Жамандыққа жақсылықпен жауап бер: бұл - пайғамбарымыздың өнегесі.
Қожа Ахмет Йассауи

Ұрыншақтың - дауы көп,
Жамандардың - жауы көп.

Қожа Ахмет Йассауи