Көлік ұрлап қолға түсті

Зеленов ауданында жол ережелерін сақтау шаралары қанша қатаң бақыланса да, заң бұзушылар қатары азаяр емес.

Жыл басынан бері мас күйінде көлік жүргізіп, жол жүру ережесін бұзған тұлғалар қатары 20-ға жуықтаса, Орал-Атырау тас жолының Щапов ауылы тұсында орын алған жол апаты салдарынан 1 азамат көз жұмды.

Сондай-ақ 11 сәуір күні көлік ұрлау фактісі бойынша аудан тұрғыны азамат А. қылмыс үстінде құрықталған. УАЗ-469 маркалы өзгенің көлігін тақымына басқан күдікті сол бойы қырағы жол полициясының қолына түсіп, қылмысын мойындаған.