Мектеп-гимназиядағы құқықтық білім онкүндігі

Ақжайық ауданының орталығы – Чапаевтағы Абай атындағы мектеп-гимназияда құқықтық білім онкүндігі биыл аса мазмұнды ұйымдастырылуда.

Ата Заңымызды оқып-үйрену адамға көп нәрсе беретінін құқық қорғау органдарының өкілдері кеңінен әңгімелеп берді. Аудандық ішкі істер бөлімінің кәмелетке толмағандар ісі жөніндегі инспекторы Арай Әйтімовамен кездесуде ол кейбір қателікке ұрынған өрендердің өкінішінен нақты мысалдар баяндады. Аудан орталығындағы үш мектептің «Жас полиция» топтарының кездесуі өткізілді. Қазіргі заман құқықтық мәдениетті мықты талап ететіні әңгімеленді.