Ақмола облысындағы бассейнге Олимпиада чемпионы Дмитрий Баландиннің есімі берілді

Ақмола облысының Ақкөл қаласындағы басейнге олимипиада чемпионы Дмитрий Баландиннің есімі беріліп отыр. Бұл шешімге жергілікті жастар бастамашылық танытып отыр, деп хабарлады 24.kz арнасы.

Рио Олимпиадасын қалт жібермей, қадала қарайтын жергілікті халық заман талабына сай тамаша бассейнге еліміздің мерейін асырған Дмитрий Баландиннің есімін беруді қош көріп отыр.

"Бассейнді қалай атауды ойланып жүр едік. Енді, міне, чемпион атымен атайтын боламыз. Себебі Ақкөл тұрғындары өтініш білдірді. Осы бізден де, Ақкөлден де чемпион шықсын деген үміттеміз", - дейді аудандық жастар орталығының жетекшісі Мадина Құсайынова.

Белсенділердің бірінің айтуынша, бұл қала жастарының спорттың осы түріне деген қызығушылығын арттыратын болады.

Ақкөл бассейнінің ұзындығы 25 метр, ені 8,5 метр. Мұнда күніне 100 адам келеді. Бір жарым жылдың ішінде 600 бала суда жүзуді үйренді. Оның ішінде 30 бала бүгіндері республикалық чемпионатта облыстың намысын қорғауда.

«Біз балаларды жарыстарға дайындаймыз. Осында үш жыл бойы дайындалып жатқан балалар бар. Ең мықты ондыққа кірдік. Біз олардың дұрыс тәрбиелеуге тырысамыз, олардан чемпион шығатынына сенімдіміз», - дейді жатықтырушы Сергей Девятко.

Дмитрий Баландиннің жеңісіне қуанғандардың бірі 10 жастағы Даниил Анушкевич. Жас суда жүзуші брасс және кроль әдісін меңгеруде. Келешекте ол да маңызды бірнеше медаль алатынына сенімді.

«Мен бассейін ашылған күннен бастап, осында келіп жаттығамын. Жеңіс мені қанаттандырып, мен де олимпиада чемпионы болғы келеді. Спортың бұл түрі маған қатты ұнайды», - дейді Д.Анушкевич.

Биыл Тараз қаласында 1000-нан аса адамға жер телімдері беріледі. Бұл туралы бүгін «Нұр Отан» партиясы Жамбыл облыстық филиалында жастармен өткен жиында айтылды. Ал Жер кодексіне енгізілген өзгерістерден жастар хабардар болуы тиіс. Осылай деген «Жас Отан» жастар қанатының мүшелері «Еркін пікір» пікірсайыс клубының отырысында заңдағы өзгерістерді түсіндірді. Жылына екі рет бас қосатын клуб жиынында бұл жолы да қызу пікірталас болды. Бақкелді Тұрсынбек, «Нұр Отан» партиясы Тараз қалалық филиалы жанындағы «Жас Отан» ЖҚ төрағасы: Бізде ҚР жас деп 14 пен 28 жас аралығындағыларды айтады. Бірақ нақты жер телімі әрбір ҚР азаматына берілуі тиіс деген Елбасымыздың жолдауында айтылған мәселе бар. Сондықтан да әрбір Қазақстанның жасы 18-ге, яғни кәмелеттік жасқа толғаннан бастап, 10 соттық жер телімін алуға құқығы бар. Ал Тараз әкімдігі жер қатынастары бөлімінің мәліметінше, 2010 жылдан бастап, қала аумағына 6 мың гектарға жуық жер телімі қосылған. Байзақ және Жамбыл аудандарындағы телімдер ауыл шаруашылығына арналған. Оның ішінде 2 жарым мың гектары жеке тұрғын үй құрылысына жарамды. Қалғаны 6 ауылдық округ пен 32 саяжай алқабы. Ал, қалада кезекте тұрғандар саны 62 мың адам. Соңғы жылдары жер алуға өтініш бергендер екі есеге өскен.

При использовании текстовых, аудио-, фото- и видеоматериалов ASTANATV.KZ в любых целях, гиперссылка на веб-сайт ASTANATV.KZ обязательна http://www.astanatv.kz/news/show/id/50326.html
© Astana TV