Пойыз қаққан ер адам ажал құшты

Бүгін жергілікті сағат 13.17-де Орал қаласындағы «Кар-Сити» техникалық қызмет көрсету стансасы ауданында №30-62 Орал-Илецк бағытындағы тауарлы пойыздың теміржол бойында 1955 жылғы К. деген ер адамды қағып кеткені жөнінде хабар түскен.

БҚО төтенше жағдайлар департаментінен алынған мәліметке қарағанда, ер адам жедел жәрдем бригадасы келгенше көз жұмған.

Қазіргі кезде оқиғаның себеп-салдары анықталып, тергеу амалдары жүргізілуде.