Батыс Қазақстанда мүмкіндігі шектеулі 170 адам жұмыспен қамтылды
Батыс Қазақстан облысында жыл басынан бері мүмкіндігі шектеулі 170 адам жұмыспен қамтылса, соның 100-і бос жұмыс орындары жәрмеңкелері арқылы еңбек орнын тапты.
БҚО әкімдігінен түскен мәліметке қарағанда, бұл өткен жылғы бірінші тоқсандағыдан (109 адам) 64,1 пайызға артық. Жұмыспен қамтылғандардың ішінде І топ мүгедегі - 13, ІІ топ мүгедегі - 27, ІІІ топтағысы - 130.
Облыс бойынша 25408 мүгедек болса (бұл - өңір халқының 3,8 пайызы), соның 15690-ы еңбекке жарамды. Соның ішінде 3500-і бұрыннан жұмыспен қамтылған.
Елбасы тапсырмасына сәйкес 4709 мүгедектің еңбекке қабілетті екендігі анықталып, оларды «Жұмыспен қамтудың жол картасы - 2020» бағдарламасы және басқа мүмкіндіктерді қарастыру арқылы жұмысқа орналастыру жалғасатын болады.
- 52 reads
Жаңа пікірді жазу