БҚО-да ең мерген полицей анықталды
БҚО ішкі істер органдарының қызметкерлері жауынгерлік нысана көздеуден жарысқа түсті.
БҚО ІІД баспасөз қызметінен түскен мәліметке қарағанда, ҚР Ұлттық ұланы 5517-әскери бөлімінің «Сұңқар» полигонында өткен біріншілікке 17 команда қатысып, қорытындысында Тасқала аудандық ішкі істер бөлімі бірінші, Орал қалалық ішкі істер басқармасы екінші, жәнібектіктер үшінші орынды еншіледі.
Жекелей сында «ПМ-2» қаруымен нысана көздеуден Орал қалалық ішкі істер басқармасы тергеу бөлімінің аға тергеушісі, полиция капитаны Альбина Молдашева жеңімпаз атанды. «ПМ-3» және «ПМ-4» қаруынан БҚО ІІД қызметкері, полиция майоры Бауыржан Оспанов, «ПМ-6» қаруынан БҚО ІІД әкімшілік полициясы басқармасының аға инспекторы, полиция лейтенанты Талғат Барасов, «АК-3» қаруынан Тасқала ауданынан келген полиция аға лейтенанты Сағидолла Биғазиев, «АК-4» қаруынан оралдық полиция аға лейтенанты Тілек Қожамберлиев жеңімпаз атанды.
Осы жарыс үздіктері қыркүйек айында Шымкент қаласында жауынгерлік қарудан нысана көздеуден өтетін ҚР ІІМ чемпионатына қатысады.
- 74 reads
Жаңа пікірді жазу