Алтын айна алдында
Қараймын да құлпырам,-
Ғажайып нұр
бар мұнда,
Жүрегіммен ынтығам.
Алтын айна
қолымда,
Отырмын мен күн ұстап,
Ұзақ өмір жолында
Рахат тауып,
тыныстап.
Алтын айна - алтын ай
Алақанда ойнаған.
Айнадағы шұғыладай
Қоншы келіп ой маған.
Қасиетті айнада
Ойнайды өмір шарқ ұрып,
Игі іске - майданға
Ту көтеріп шақырып.
Керуен тартып өткен шақ,
Қызық көрем, жай табам.
Шүғыла шашып болашақ
Қарайды осы айнадан.
Алтын айна бетінен
Көрем еңбек күресін.
Қуанамын - бар екен
Өзімнің де үлесім.
1947.
- 99 просмотров