Ақпан
Аязды, қарлы, боранды
Ақпанға ауыл оранды.
Құбан су,
құба құм жақта
Құлады
сорлы тораңғы.
Жүрген бір малшы жоқ қарап,
Жүрекке нұрын
дөп балап,
Кешегі жыршы ағашты
"Кесіп те кесіп отқа жақ!"
Үй-үйді басып жоғары,
Үйіріп боран соғады.
Үйір де үйір аш бөрі
Үстінде қойдың обалы.
Ақырған құйын-боранды
Ақпанға салдым қорамды.
Соқтырып түбі түтекке,
Сорқұдық
сорға оранды.
Мұндайда
шыдам, дәт те ерек,
Мыңқ етпес мықты мәрт керек.
- Подробнее о Ақпан
- 117 просмотров