Біздің халық ұл тілеген:
Шаңырағын ұстайды деп атаның,
Шығарар деп ер бабаның атағын,
Толықтырып әскерінің қатарын
Қорғайды деп Отанын.
Біздің халық ұл тілеген:
Күңірентіп тартады деп күйлерді,
Шығады деп ел басқарар билері,
Өседі деп шаңырағы - үйлері,
Болады деп сұлу-ару сүйгені.
Біздің халық ұл тілеген:
Оқымысты болады деп дарынды,
Күрескенін жеңетіндей қарулы,
Не нарқасқа - ер мінезді сабырлы,
Нашар болса бағар деген малымды.
Ұл тілеген болса-дағы не түрлі,
Құр қайтарып жүрсін мейлі кекілді.
Байқап тұрсам біздің халық ешқашан
Ақын қызды тілемеген секілді.
- 306 просмотров