Не заңсыз өзі,
Не заңды?
Алады сұрақ мазамды.
Жек көрем
сондай,
сондай,
Жек көрем,
Жек көрем сондай
тозаңды!
тозаңды!
Көненің басты қасабы
Уақыттан бәрі сасады.
Қолдарда жиі
жүрмесе,
жүрмесе,
Кітапты тозаң
басады.
басады.
Тіршілік қанша жасады?
Заманнан заман асады.
Мереке күтіп,
Тығылған
Тығылған
Туларды тозаң
басады.
басады.
Байлығың бекер тасады,
Байлық ол - өмір фасады.
Перғауын жатқан саркофак,
Оны да тозаң басады.
Түбіңе жетер мас
әні,
әні,
Паналай берме тасаны!
Қалғумен өткен
халықтың
халықтың
Тарихын тозаң
басады.
басады.
Құя бер
мейлі бозанды.
мейлі бозанды.
Айтады боза өзі әнді.
Бозамен шая
алмайсың
алмайсың
Көңілді басқан
тозаңды!
тозаңды!
Не заңсыз өзі,
Не заңды?
Алады әбден мазамды.
Ерте ме,
Кеш пе?
Басатын
Жек көрем сондай тозаңды!
- 138 просмотров