Үстімде сұр шинелім

     Үстімде сұр
шинелім,

Ақсаңдай басып келемін.

Қанды кырғын, қызыл от,

Қаптап жүр ажал дегенің.

Үстімде сүр шинелім,

Ақсаңдай басып келемін.

Қағып-соғып жығар ма

Оңайлықпен мені өлім!

Үстімде сүр шинелім,

Ақсаңдай
басып келемін.

Баяғы Қасым, бір Қасым,

Баяғы күйім, өлеңім.

Үстімде сүр шинелім,

Ақсаңдай басып келемін.

Ұмытса да
достарым,

Ұмытар ма
мені елім!

1944.