Орал қаласының және БҚО жаңалықтары

Жайық өзенінің Бөрлі ауданы Облавка ауылы тұсындағы жағалауын бекіту жұмыстарына 1,2 млрд. теңге қажет. Бұл туралы осы жұмыс барысымен танысқан облыс әкімі Нұрлан Ноғаев мәлім етті.

Оның айтуынша, аталмыш нысан 2015 жылы пайдалануға берілмекші. Әзірге 50 млн. теңге бөлінген. Биыл Облавка ауылын су басу қаупі төніп тұрған жоқ.

5 наурыз күні Батыс Қазақстан облыстық қазақ драма театрында Халықаралық әйелдер күніне орай «Әйел - тіршіліктің берекесі» атты мерекелік концерт қойылды.

Оның ашылуында облыс әкімі Нұрлан Ноғаевтың атап өткеніндей, өмірдің бастауы да, жалғастырушысы да ана! Қазақта «Қыз тілегі қабыл болады» деген сөз бар. Біздің елдігімізді, мәдениетімізді, дәстүрімізді, тарихымызды, «ұшса құстың қанаты, шапса тұлпардың тұяғы талатын» ен даламызды сақтап қалған аналарымыздың аманаты, қолдауы, тілегі.

Оралда көктемгі су тасқыны болған жағдайда қауіпсіз жерге көшіру жоспары әзірленді, деп хабарлайды BNews.kz Орал қаласы әкімінің баспасөз қызметіне сілтеме жасай отырып.

Батыс Қазақстан облысында «Бизнестің жол картасы-2020» бағдарламасын жүзеге асыру қорытындысы бойынша 2010-2014 жылдары 42,2 млрд теңгеге 298 жоба мақұлданды, деп хабарлайды BNews.kz тілшісі БҚО әкімінің баспасөз қызметіне сілтеме жасап.

2014 жылдың басынан бері 2,6 млрд теңгеге 25 жоба мақұлданыпты, оның 8-і 300 млн теңгеге субсидияланған. Ауылдық жерлерде 22 жобаға 2,3 млрд теңге қарастырылды. 69 жаңа жұмыс орнын құру жоспарланып отыр.

Орал қаласы төңірегі мен облыс аудандарында қардың көптігі алаңдатып отыр. Осыған байланысты бүгін облыс әкімі Нұрлан Ноғаев өзінің төтенше жағдайлар саласын бақылайтын орынбасары Алмаз Бадашевке ескерту жасады.