Десеңші енді бірдеңе...
жан қала
ма бұққанмен,
шыдай-шыдай шындықтың ыңыршағы шықты әбден.
Ырду-дырду айнала,
ұры-қары...
Ұлтанқұл
ұлттың өзін бұл
күнде руынан тұтқан кем.
Асқына кеп көнбейтін халге жеткен дерті емге,
сендей ғана соғылды ел,
сенімі жоқ ертеңге.
Жынданбай-ақ отырып күй кешесің дел-сал бір,
әзірейіл төніп кеп тұрғандай-ақ желкенде.
Ақын да жоқ
ақыра есе-тендік сұрайтын,
батыр да жоқ
батыра бағыт сілтер бір айқын.
Аға да жоқ ұмтылар,
жаға да жоқ жыртылар,
бұдан әрі,
шын айтам, шама да жоқ шыдайтын...
Айға білеп азуын,
ар-намысын қайрап
ер,
күн туа ма: "Кешегі кісілігім қайда?" - дер,
оған дейін, осылай үрей бар да, үміт жоқ,
өлеміз бе?
Қайтеміз,
көнеміз де, қайран ел!
2001 жыл
- 153 просмотра