Қарттық пен сарғайған суреттер
Өткен жылдар әжім салса маңдайға,
Қайран жастык, қош айтысып қалмай ма?
Бой тоңдырып, сүйек шаққан кәрілік,
Тұрам десең, қол салады шалғайға.
Көз алдыңа сызық түсер торланып,
Ақ таяққа қол артасың қорланып.
Шалқып жатқан көңіл кейде тарылып,
Қабағыңнан қар бүркеді долданып.
Бурыл басың жиі түсіп кеудеге,
Күдік алып, мән бересің әрнеге.
Көшедегі көп танысың азайып,
Еріксіз кеп тығыласың бөлмеге.
Жан-жағыңнан қаумалаған өренің
Қасыңда жоқ... хаттар айтып дерегін.
- Подробнее о Қарттық пен сарғайған суреттер
- 172 просмотра