-Тілдесе алмай кетіп ек жасымызда

-Тілдесе   алмай  кетіп 
ек  жасымызда

Айтылмаған  сыр  қалса, 
ашыңыз  да!

Асықпаймын  мен  енді,

Кешіріңіз...

Тізе  бүксем  қайтеді 
қасыңызға?

- Уәдемізді   өтесек  тілекшілік,

Назымыз  да  жатпай 
ма  түлеп  шығып!..

Рұқсат  сұрау  артық  қой

бейтанысқа

Тұңғыш  келген  қонақтай 
жүрексініп.

- Тиіс едік  бір  сыннан 
біз  өтуге,

Естеліктер  оны  әлі  күзетуде.

Алдымызда  сан  асу  тұрған  шығар,

Болмас  па  еді  қатені  түзетуге?

- Қашасың   ба,

белдерден  асасың  ба?

Бас  сауғалап,  бетіңді 
басасың  ба?

Аман  қалу  бәрібір 
мүмкін  емес

Зулап  ұшқан  уақыттың 
тасасында.

- Білем,  білем...

шөлім  бар  қанбас 
менің.

Бақ  жұлдыз  да 
жолымда  жанбас  тегін.

Біз  Ұялы  құмында 
кездессек  қой,

Мүмкін  сені  жоғалтып 
алмас  та  едім.

- Керек   емес  кемсіткен 
бекер  сынау,

Қиындыққа  қажет-ті  бекем 
шыдау!

Бәрін,

бәрін  ақыры  ұққан 
болсаң,

...Қартая  да  қоймаған 
екенсің-ау!