Тәтті келіншек

 
    Хош  келдік  пе, 
балдай  тәтті  келіншек? 

Болып  алдық  сіздің 
үйге  келімсек.

Мына  әзілің  қызық 
екен...

соншама

Жолды  кесіп,  келеміз 
бе  ерінсек?

Жолды  кесіп,  келеміз 
бе  ерінсек?

Мін  ғой  бізге -

уәдемізден  шегінсек.

Сыйласаңшы  тіл  үйірген 
бір  кәмпит,

Заузадағы  балдай  тәтті 
келіншек.

Іңір  түсті...

түн де  ауды...

таң  атты...

Уақытыңды  қай  есепші 
санапты!

Тойдық  әбден  көңіліңе 
көктемдей,

Біз  қойғалы  қашан 
арақ-шарапты!

Әдемі  ұғып  әдеп 
пенен  ар  тілін,

Ертегідей  өтіп  жатыр  әр  күнің.

Сендей  ару  бұл  өмірде  бар 
ма  екен?

Әй,  жоқ  шығар...

қайдан  болсын,  жарқыным!

Сәл-пәл  күпті  көңіліміз 
түзелді.

Жүріп  кетсек,  дұрыс 
болар,  біз  енді.

Иығыңды  ақ  шәлімен 
қымтама,

Таң  самалдан  тасалама 
тізеңді!

Қыздырғандай  қыз-қырқынның  шекесін

Әзілдің  де  ұнатамын 
төтесін.

Сабыр,  сабыр!..

Сәл  шыда,  біз 
кеткесін

Жалын  сөнген  төсегіңе 
жетесің.