Қарауылбек Қазиевтың рухына
Қауышып жылда жатпасаң,
Қарайлар едің қамығып.
Алпысқа толған ақ Қалқам,
Достарың келді сағынып.
Арғымақ-арман
баптасаң,
Аңқылдаушы едің ағылып.
Алыстап кетіп, ақ Қалқам,
Артыңда қалдық сағынып.
Ақтарылып өттің жұртыңа,
Ағыңнан кілең жарылып.
Ассалаумағалейкум рухыңа
Айтуға келдік сағынып.
Құштар ең тауға,
шың-құзға
Құлпыртқан
айдың орағы.
Айналдың ерте жұлдызға,
Жұлдызың сенің жоғары!
Ақ ерке Ай да асқардан
Ақ шуақ төге тамсанып,
Сызылып шыққан
тастардан
Сыңғырлы бұлақ
ән салып;
Саз қосып
сайлар сырнайлы,
Бәйшешек дәурен бөктерлер,
Қарауылбек
боп жырлайды
Қаз қанат
әлем - көк пен жер!
Жан дүниең сонда елжіреп,
Жаз шығып келе жатады -
Ақ бантик
сынды желбіреп
Алғашқы махаббат әні!
- 104 просмотра