Айвазовский

          Ей, Айвазовскийдің
теңізі!

Жуастан шыққан жуансың-ау, негізі?

Қаныңды сенің қайнатқан

анау, аспанның болар лебізі?

Екіленген елірген,

екі иығын кемірген,

ерейменге айналдың

ерегесіп тәңірмен.

Көкке шапшып кектенген,

көкдүлей боп кеткенмен,

еркіндігің сенің де

жағалаумен шектелген.

Араныңды
ашқанмен,

ақ көбігін
шашқанмен,

азаттығың ешқашан

астаспайды аспанмен!

Ей, Айвазовскийдің теңізі!..