Ұлы өмірдің жүзгенде өзенімен,Көлденеңдер көк сағым кезегімен...Өнбойыңды аулақ тарт ең әуеліӨтірік пен өсектің өзегінен!Биік бол!Тамыр тартса туған жер төсегінен,Текті жанның бола алмас меселі кем.Аулақ ұста бойыңды, аулақ ұста,Қара басты ойлаудың кеселінен!Биік бол!Басталады ұлы Отан отбасынан,Ұлы өмірдің айрылма олжасынан.Туған елді жұлдызды көкке сүйре,Қамыт кимей надандық ноқтасынан.Биік бол!Сүрсек сайран ғұмырды өрнегімен,Адам көктей алады еңбегімен.Кісіліктің күш алып шеңберінен,Күншілдіктің қашалық шеңгелінен!Биік бол!Болсын десең, жүзім шат, ғұмырым ән,Табыла біл шындықтың шығырынан.Бет-жүзіне қарамай ақиқатты айт,Бос мақтанның қаша біл құрығынан.Биік бол!Көшелі істің табылып байтағынан,Кішіліктің көрінсең ойпаңынан,Жан баласын өмірде жамандама,Әлдекімнің аман жүр айтағынан.Биік бол!Тіршіліктің жерініп ұсағынан,Табыла біл кеңдіктің құшағынан.Болсын десең абырой ұзағынан,Жағымпаздық аулақ жүр тұзағынан.Биік бол!Қаралықтың қара үзіп қоршауынан,Жемқорлықтың жүр аулақ жемсауынан.Ала жібін аттама өзге жанның,Тоңмойындық бол аулақ құрсауынан!Биік бол!Парасатқа суарып тірлігіңді,Пайымменен сүре біл бұл ғұмырды.Өмір деген өткінші дүниедеАбыроймен алып жүр шылбырыңды!Биік бол!
- 157 просмотров