Сыбырды
құдай естір деп,
Сабыр қып жүр ем жақ ашпай
Сөзімді тыңдар ешкім жоқ,
Сауын айтсам да алашқа-ай!
Құлы боп
бәрі ақшааның,
Түрі жоқ түкті ұғатын,
Түбінде жүрек - шақшаның,
Ар-ұят қалды бір атым.
Тоңдыға
жауып кіл жала,
Тобықтан қағып тастадық,
Іргеде болса зілзала
Ырықпен аяқ баспадық.
Қайырым деген қазына
Түгесілгенде шым-шымдап,
Құдайға
өкпе-базына
Айтамыз тіпті былшылдап,
Қашан біз халық боламыз,
Адамы азған ғасыр-ай?
Шақшаның түбін қағамыз
Бір атым іздеп насыбай...
- 140 просмотров