"Тұтқындар"

Жалқысы  жоқ  күніміз, 
түніміздің.

Бақытымыз  сол  болғай 
түбі  біздің!

Бүгін  енді  арманшыл 
екеуміз  де

Тұтқыны  боп  тындық 
бір-біріміздің.

Ойлап  жатсын  енді 
оның  қалғанын  кім!

Ойлап  жатсын  дүниенің 
жалғанын  кім!

Тұтқынысың  сен - менің  сезімімнің,

Тұтқынымын  мен - сенің  арманыңның.

Тізе  бермей  кешегі-бүгінгіні,

Әркез  қайта  көбейтіп 
күлім  күнін,

Тұтқын  жандар,  әдетте, 
тырысады

Түсінуге  қалтқысыз  бірін-бірі.

Бір  ғажабы -

қос  жолды  қосқан 
бүгін,

(Құпиясы  жоқ  ешбір 
достан  мұның!)

Бұл  абақты - жалғыз-ақ,

қиналса  да,

Аңсамайтын  тұтқындар  бостандығын.