Уа, ақша бұлт,
айтшы маған,
айтшы маған,
Айтшы маған: келдің қайдан?
Ақ төсінен күн
сүйгенде,
сүйгенде,
Жаралдың ба
Алатаудан?
Алатаудан?
Бейне торғын ақжібектей
Тұрсың төніп тас
төбемнен:
төбемнен:
Емес пе ең қыз
орамалы
орамалы
Жел ұшырып алып
келген?
келген?
Әлде Арқаның ару қызы
Отырғанда кесте
тігіп,
тігіп,
Алдындағы ақ
жібегін
жібегін
Әкеткен бе жел
көтеріп?
көтеріп?
Әлде Алатау етегінен
Шыбынымдай сүйген
жарым
жарым
Бұрышына сәлем
түйіп,
түйіп,
Ұшырған ба
орамалын?
орамалын?
Ақша бұлтым, күйін
шертіп
шертіп
Сағынышты
жүрегімнің,
жүрегімнің,
Желкілдейсің, жел
үрлесе,
үрлесе,
Мақтасындай туған
жердің.
жердің.
Үрлеме, жел, ақша бұлтты,
Алысқа айдап кете көрме!
Айдын жүзген аққу
құстай
құстай
Қалсын мәңгі тас
төбемде.
төбемде.
Уа, ақша бұлт, айтшы маған,
Айтшы маған қайдан келдің?
Көзім түссе еске
аламын
аламын
Аруымның ақ
желегін.
желегін.
Лозовая станция, 1943 ж.
- 128 просмотров