Жүрсің неге жармасып Елбасына,
Жеткен кезде егеулі ер жасына.
Көзі тірі арыстың берілмеген
Қол созғаның емес пе ерте асына.
Құдай
сенің қарай ма тілегіңе,
Кісен салам десе егер білегіңе.
Атылдың-ау оқ болып Елбасының
Операция жасалған жүрегіне.
Жатқан кезде Елбасы төсек тартып,
Тас та атып жанықтың,кесек те атып.
Ел-жұртыңның
келгені аз ба саған
Арман-мұңын өзіңдей есекке артып?
Кезікпейді кім жойқын жиі өткелге,
Бұра берме артыңды сыйы өткенге.
Күтпеймісің әліптің артын бағып,
Итсіңдер ме, таласқан сүйектерге?
Мысық тілеу әзірге
сенетінің,
Ертелі-кеш белгілі сөнетінің.
Heгe сонша
жанықтың?
Біле тұрып
Күні ертең-ақ өзі
де өлетінін.
Тал бойыңда қызынып тасып қаның,
Сырқат жанды бұның не жасытқаның?
Тірідей-ақ Елбасын емес пе бұл
Қара жерге жерлеуге асыққаның?
Қарымасын отына тозақ-жалған,
Сыр деп мұны қабылда дос ақтарған.
Әлде елмен тағдыры қосақталған,
Сырқаттарды Ресейдің әдеті ме,
Лақтыратын шишадай босап қалған?!
- 83 просмотра