Ай, пенделер, пенделер-ай, пенделер -
Қашан рух, қашан құлқың жөнделер?
Байқайсың ба, аз ғұмырды қысқарта
Айың-күнің шыр айналар, дөңгелер.
Бұл жарыққа шықтың болды өтерсің,
Шексіздікке бір нүкте боп жетерсің.
Жерде сүрген жүз жыл ғұмыр - көктегі
Бір-ақ сөттік.
Обал, обал - бекер, тым.
Сайтанға ердің, арам іштің - адастың,
Мансап қудың, ар аттадың, таластың.
Мәңгі өмірді, күні ертеңгі ойламай
Құдайсызбен, имансызбен жарастың.
Жаратты Алла сонша байлық біз үшін,
Пенделердің байқап көрші сіз ісін -
Бәрін шашар тақ жолына - қараңдар,
Жан берісер қошқарладың сүзісін.
Денің де сау ішсең асты шамалап
(Солай етер асыл жанды азамат).
Ен байлыққа ие етер бәрінді
Қолындағы ең асыл зат - қанағат!..
Босқа жатыр сол қазына алынбай,
Қожа болшы, тегін нәрсе, жалынбай.
Сол "Қанағат" - бар аранды тойдырар,
Тек мойында, табар сосын жаның жай.
...Пайғамбарша - Алла сөзін мәнді ғып,
Жүрсең, бұл Жер, Жұмақ болар мәңгілік.
...Бір сағаттық өмірінді өткізші,
Бес парызбен, иман жолын сәнді ғып!..
- 164 просмотра