Ортақ қуаныш

- Айтайын -ақ  ағымнан  жарылғасын:

Өңімде  де,  түсімде - жадымдасың...

Шақырып  ем  биге 
мен  бүгін  тұңғыш,

Қызарып  сен  кеттің 
ғой, қарындасым.

- Кейбіреулер  әдейі  бөліп 
көпті,

Бізге  қарап  тұрғандай 
болып  кетті...

- Көңілімде   жұмбақ  көп  бүгін  менің.

Несіне  оның  тағы 
да  күлімдедің?

Биге  шықтың,

беліңнен  ұстағанда

Болар-болмас  бір  түрлі 
дірілдедің.

- Сынағандай  
жастардың  бекемдігін

Клуб  іші  салқындау 
екен  бүгін...

- Таусылардай  
таусылып  тағат  бүгін,

Бір  сөзіңді  күткенде 
қалап  құрбың

«Мені  үйіме  шығарып 
салыңызшы!»

Дедің  де  сен...

қиылып  қарап  тұрдың.

- Білем,  ол  еш  жөні  емес 
тілек-сынның,

Жалғыз  өзім  қайтуға 
жүрексіндім...

- Небір тәтті  қиялдар  алдандырып,

Жүре-жүре  күтумен  талғанда 
үміт

Кіріп  кетуге  үйіңе 
бұрынғыдай

Асықпадың, - сен 
мені  таңдандырып.

- Басым   кенет  айналды 
неге  менің?..

Таза  ауада  тұрайын 
деген  едім.

- Кетті солай  тағы  да  ұзап  бір  күн,

Уақыт  санай  алмадық 
біз-ақ,  құрбым!

Көзден  таса  болғанша 
сол  жолы  мен

Үйге  кірмей,  көшеде 
ұзақ  тұрдың.

- Қойыңызшы,  қанша  жас  көрсеңіз  де,

Шықтым, аға, 
кеше  мен  он 
сегізге...