Мақтаймыз

      Үшкірсе де мақтаймыз,

түшкірсе де мақтаймыз.

қошқар болар қозыны

піштірсе де мақтаймыз.

Кекірсе де мақтаймыз,

зекірсе де мақтаймыз,

көбігіндей сыраның

көпірсе де мақтаймыз.

Ұнатса да
мақтаймыз,

жылатса да мақтаймыз,

күз басынан бір-бірлеп

құлатса да
мақтаймыз.

Ақырса да мақтаймыз,

бақырса да мақтаймыз,

тұңғиыққа
тірідей

батырса да мақтаймыз.

Ондырса да мақтаймыз,

болдырса да мақтаймыз.

жастарынды жуадай

солдырса да мақтаймыз.

Алдаса да мақтаймыз,

арбаса да мақтаймыз,

жалмауыздай жапырып,

жалмаса да мақтаймыз

Көрмесек те мақтаймыз,

көргенде де мақтаймыз,

қара жерге тірідей

көмгенде де мақтаймыз!

Мақтаймыз!

Мақтаймыз!!...

Мақтаймыз!!!