"Па,шіркін!.."

Па,шіркін!Неткен аңыз өмір деген!Сүреміз қызық құмыр көңілменен.Жігіттер пейілімен мас қылады,Жаралғам достық үшін тегінде мен! Ғажап-ау ақындағы сезім деген,Ел-жұртты көрем бауыр өзімменен.Жаңа жыл...таңға дейін көз ілмегенКездерде шаршауды бір сезінбегем. Мейлі ғой,жүрек ептеп мазаласын,Музыка тербесе өлең жаза аласың.Мына бір бал сусыннан сапырайын,Жанымды мөлдір етіп тазаласын. Жатса да тыным тауып бәрі ұйқыда,Тамаша таңым үшін жаным қия,Сөнгенше Шолпан жұлдыз жыр толғайын,Бойыма жаңа жылдан жалын жия. Сонда мен толғанармын асқақ тұрып,Жырымды тыңдар дерсің достар ұғып.Күндерді сауық-сайран бірге өткізген-Тарихта қалдырармын дастан қылып...