Күзгі сағыныш

   Бұла арман сынды...

Бұла таңдарды тербеген,

бұла сағымдай

бұғалық түсіп көрмеген,

бұл өнім менің жазылды,

кезімде

сағыныштарға шөлдеген...

Шалқарға -

шалқып құлаған,

шулаған -

сыңсып жылаған,

долы өзендердей,

қара ормандардай

шырқаған кезде бұлақ ән...

Жол тартып

жылы тұстарға,

ақ еділ көлден

ақ үйрек-қаздар ұшқанда,

бұл әнім менің жазылды,

еңсеріп кешті,

телміріп қарап құстарға...

қазан, 1973 жыл