Тырналардың қанатын талдырып
қыр,
көз ұшында - көк орман жаңғырып тұр;
дихан-жүрек салтымен
жылдағыдай,
жалғап жатыр тынымсыз
мәңгілікті.
Мөңгілікті...
Ерлігі...
Еңбегімен...
Жұмыр жерді
оятып жөргегінен,
бөлеп жатыр
қайтадан бесігіне,
нәрестедей
әлдилеп тер-демімен,
Еңбегімен...
Әлдиімен...
Ән-күйімен...
Шалқыған алабымда,
қазбауыр бұлттарымның балағында;
көктем көшіп келеді
жер бетіне,
дихан-жүрек тандардың
қабағында.
Дихан-жүрек кештердің
өртіменен,
соқалардың тісіменен жер
түлеген,
боразда боп тартылып
бел-белесте,
көктем көшіп келеді
шертіп өлең.
Ән-күйімен...
Мәңгілікті жалғайтын
«Әлдиімен...»
сәуір, 1976 жыл
- 65 просмотров