Республикалық тәуелсіз басылым «Жас қазақтың» 2009 жылғы 13
наурыз күнгі нөмірінде Рейтер агенттігінің хабары жарияланыпты. Онда ағылшын
ғалымы Алан Аутрем жылқы түлігін бұдан 5500 жыл бұрын бүгінгі Қазақстан жерінде
ата-бабаларымыздың қолға үйреткенін дәлелдеп, енді бұл жаңалықтың ғылыми
айналымға мықтап енетінін айтты.Олай болса, қазақтың ата-бабалары сол дәуірден
бастап, жылқы ұстап, қымыз пісе бастаған.
Арабтар жылқы
мен түйе ұстағанымен, қымыз-шұбаттан хабарсыз. Сондықтан орта ғасырларда
қыпшақтардан қымыз, шұбат, айран, көжені көрген Ахмед ибн Фадлан, ибн Баттута
сынды араб саяхатшылары дала тұрғындарының шетінен шырайлы келіп, зор тұлғалы
болатындығын таңдана жазыпты.
- 182 просмотра