Аяулым!
Қаталап,
шөлдеп,
тандайым
құрғап, кепкенде,
сал-сарас
ойдың
саздауыттарына
шөккенде
сағынып
жет те
шаң-тозандардан
аршып ал.
Құдірет-күшің бар шығар,
Махаббат
деген елде өскен,
Махаббат
деген жерде өскен,
қажетті
жерде - шөл кешкен,
мұхит та кешкен,
теңіз
де кешкен,
көл
кешкен;
жылай
да білген,
күле
де білген,
белдескен?!.
Ағыл
да тегіл сел кешкен,
көктем
боп келші сең көшкен,
қарсылықтарға,
қаталдықтарға
көнбестен!
Өзіңе
сен де,
көзіме
сен де келші сен,
өсек-аяңға сенбестен,
өртеніп,
жанып, сөнбестен...
Жаңғыртып
түнде көкті үнің
жасын
боп жетші!
Жет,
күнім!..
Әйтеуір
мені қалдыра көрме
жалғыздық
деген жапанда,
сезім-
қанатты талдыра көрме
тұтқыны болып өтейін,
өтейін
мәңгі
Махаббат деген белестің
Тезірек
жетші!
Жет,
Күнім...
маусым,
1970 жыл.
- 71 просмотр