Есіл ер өтті...
Артында қалды баласы,
аңырап
қалда анасы;
жан
жары қалды егіліп,
інісі
қалды -
осы
үйдің жалғыз қарасы.
Мәңгіге
кетті бір адам,
мәңгіге
кетті бір аға...
Қаңырап
қалды бір орда
төсекте
жатып,
тірліктен
қайыр сұраған.
Өксітіп
кетті артын ол,
өкініп
қалды халқы мол;
өгейсіп
қалды құба жон,
өмірден
мынау
үзілді
тағы жарты жол.
Үзіліп
тұрды бір өлең,
үзіп
ап қайда жіберем?!
Өлмейтін
пенде жоқ жерде;
қолымнан
келсе,
таусылмас
жолды тілер ем...
Сыңсыды
баяу жел ғана,
азалы
күйде - Ел... Дала...
Тыншыды
жаны пенденің,
бір
ұлын тағы
құшағына
алды Жер-Дана.
Есіл
ер кетті...
Есімі
қалды, үн қалды,
жаңғырып
қара шың қалды.
Көктемі,
жазы қалды артта,
қарайып
үйі,
қаңырап
төрі мұңданды...
қыркүйек, 1967 жыл.
- 140 просмотров