Айтылар
сөзің көп еді,
айтқызар
сезім көп еді,
тұп-тұнық еді
тұмадай мөлдір ойың да.
Көгілдір
еді...
Көкпеңбек
еді...
Көк
еді...
Көк
түндей еді
шашылған
жұлдыз-моншағы,
көгілдір
түстің мол шағы
көктемдей еді...
Сезім
де,
сөз
де,
тал
бойың толы бұла қан,
ақтығың
менен пәктігің
Ай
менен аспан сұраған.
Аққайың-тоғай
көзінде:
Махаббат
болып сан күліп,
Махаббат
болып жаңғырып,
Махаббат
болып жылаған.
Көңілің
көзсіз - құрақ-ән,
көңілің
ессіз - бұлақ-ән,
бұрқырап күнде
быт-шыт
боп таудан құлаған.
Қиядан
мінез,
жасыннан
өлең сұраған,
көгілдір
едің,
көктемдей
едің,
көк
нөсер болып
төккендей
едің,
көк-жасыл
кеште өткендей едің...
Қайда
енді, қайда сол үнің -
көгілдір
үнің,
көк
түсің?..
Баса
алмай сезім солығын,
айтылар
сөзді
айта
алмай жүріп,
жоғалтып
алған жоқпысың?!.
6 тамыз, 1978 жыл
- 111 просмотров