Әпке кетті басқа ауыл боп

       Әпке кетті басқа
ауыл боп,

Әкей қайтып келмеді...

«Жетім қозы тас бауыр» деп

Айтып жүрді ел мені.

Кей күн жылап, кей күн күліп,

«Қозы» бауырын көтерді.

Қаталдық пен Мейірімділік -

Менің анам екеу-ді.

О, қаталдық, неге маған

Қайрылуың кеміді?

Мейірімділік деген анам

Жырға әкеліп теліді.

Қолымнан ап, биіктерге

Жетеледі жыр-анам.

Өлең жазып сүйікті елге,

Өсе бердім дін аман.

Мөлдіреген бастауың боп,

Бастауың боп қалайын.

«Жетім қозы тас бауыр» деп

Heгe айттыңдар, ағайын?!