«Бұл -
жүрекпен еститұғын асқақ үн,
Көруің аз,
оқу керек тастарын.
Тұрпатында бес кешеннің сәні бар,
Тұрысын-ай қасқаның», -
Деп кезінде жырға қосқан көп ақын,
Сары белде сағана там болатын.
Бір-ақ түнде құлап түсті сол кеше,
Дүр сілкінтіп Келінтөбе қолатын.
Қап-қара боп кеткен қышқа үңіліп,
Ауылдастар мәнін енді тұр ұғып.
Сыр берместен келіпті ғой, тектім-ай,
Сырты зордай,
Іші бордай үгіліп.
Жерге құлан тартып туар озалдан,
Сағанамның сарқытынан көз алман.
Іштей тынып,
өзін өзі жей берген
Бір ол емес,
бір ол емес...
О, Жалған!..
- 132 просмотра