Жылқы жылы,
Жақсы тілек тілейінші Құдайдан,
Мүмкін, мәңгі құтылармын
сұм ойдан.
Мүмкін, енді түсіме енбес түндерде
Қаба жалды қара құнан мұңайған.
Қара құнан - жетімегім, нәзігім,
He таптап кет,
не маза бер,
қажыдым.
Ол басқа адам - аңқау, адал бала еді ол,
Мен басқамын.
Жазығым не, жазығым?
Аспан асты,
жердің үсті ақ ала,
Бір саябыр орнай қапты қалаға.
Қалбалақтап барып-барып соқыр қар,
Шалшық суға құлап жатыр далада.
He ойлап тұр
- үнсіз-түнсіз бұл ғалам.
Мен де іштей шырмауыққа шырмалам.
Бір сұрақ бар:
- Мен кім едім,
кім едім?
Бір сұрақ бар:
- Кім болмақпын,
кім болам?
Қыс келіп тұр,
ақ жаулық caп
қайыңға,
Бір серпіліп, батам қайта уайымға.
Қара құнан... ол жоғалса қайтпекпін,
Жо-жоқ, мені құнанымнан айырма!
- 114 просмотров