Мазасыздау...
Мазасыз аспан асты,
шимай-шатпақ ойларым шаштан
асты.
Ойым...
Миым...
Таза еді, балғын еді,
ауыстырып қойғандай басқа
басты.
Өзге біреу мен үшін
ойлайтындай,
өзге біреу мен үшін
тойлайтындай;
өзге біреу шырт етіп
шырпыдайын,
шамшыл, жаман әдетін
қоймайтындай.
Өзге біреу билеп ап
от-кеудені,
Өзегім - өрт...
Сұлу жыр, шеттеуде елім...
Нені іздейді?
Білмеймін?!
тыпырлайды
көгендеулі қозыдай
көктеудегі.
Мазасыз ой...
мазасыз арбасқанда,
әлдекім кеп жағама
жармасқанға
ұқсайды да тұрады...
Халым менің -
қындағы үнсіз айнымай
алдаспаннан...
Өзге біреу ішімде арбасқанда.
Жұлым-жұлым жүректің жара көгі,
тыпыршиды жырымның қаракөгі.
Өзге біреу «жаулап» ап...
Көктемімді
өкпелетіп жүрмесем, жарар
еді.
сәуір, 1973 жыл.
- 72 просмотра